Tunisia

I am so proud of those guys, yesterday I felt strangely settled in a way I never did, I am very happy that such a thing happened in an Arabic country.

I hope this spreads, I hope this will have good outcomes, for the first time, I feel good about something Arabic.

Go Tunisia !! Love you guys !!

أين أبو الحروف؟

يؤرقني ما يحدث من جرائم الكلمات والأحرف واللغة وتعريف ما يُعرف حقيقة بما لم يعرف به بالأصل وبالحقيقة

يؤرقني التلاعب بتاريخنا أمامنا ليكذبوا علينا بما رأته أعيُننا

يؤرقني تغير أهدفنا ممن عادانا وهم سجلوا أنهم أخواننا جزافا، فيلعبوا بطرح تفاسير لأهوائنا وهي بالأصل دفينة عقولنا

يؤرقني بما يحدث، ما يُفرقه عما سجلوه أنه حدث

ويؤرقني أن ليس هناك من نجد لديه الشجاعة ولا القوة لتغيير مسار التاريخ من ما يُراد أن يسجل، إلى ما حدث بالفعل، أن لا بطل بيننا يسحق هذا الظلم بحقنا وحق الحقيقة بوضع النقاط على الحرف

Getting Married

Ok, I know, have not been here for more than a year!! well sorry for those who were nice enough to follow my nonsense, I will not say I was busy, I had time to write, but I did not have the energy or the will to write anything. On the other hand, in my defense, I did not have anything to say either!!

Anyway, on the glorious day of Nov. the 19th I did what I have been bugging everyone about at last, I got married, and it was worth the wait, I am happy, satisfied, calm, and most importantly in peace with my self. I made a great choice for a wife, I ended up marrying a girl who is just wonderful and pretty and its so overwhelming to be with her.

I will back with more updated Inshallah! I just wanted to say hi. I do not expect any responses as I think this blog is already dead, but what the hell, I feel like writing again.

نعتذر عن الغياب

طبعا أنا كالعادة بنسى وجود بلوغ ألي ومبارح تذكرت

المهم أنا جاي اليوم أقول لجميع رواد هذه الصفحة البسيطة كل عام وأنتم بخير، ورمضان كريم، والله يجعلنا جميعا من عتقاء الشهر الفضيل، يبدو من البلاوي يلي بشوفها حرجع أتشكون كثير هون، فأنتظروا مني الكثير من النق النكد وسمة البدن، راجين حسن متابعتكم

صحيح نفسي بمية حبة سمبوسك إذا حد حاب يكسب فيي أجر

زيارة معالي الوزير

من حوالي 3 أسابيع وااشركة مقرقعة راسنا عشان بدو يزورنا معالي وزير الإتصالات، ألبسوا بدلة، أحلقوا اللحية ما حد يطلع برا الشركة الكل يلتزم على مكتبو ويعمل حالو بشتغل ( ممنوع تشتغل بس أعمل حالك بتشتغل) يعني بالعربي بدنا نعمل فيها شركة مثالية الكل مرتب ونظيف وملتزم بمكتبوا وما شاء الله تقول فرع المدينة الفاضلة في الأردن، ما خطر على بال الشباب أنو في وزارة الوزير نصهم متهرب من الدوام والنص الثاني بقرء الجريدة

المهم يا جماعة الخير ولا تهون يا معالي الوزير، من 3 أيام وعمليات التنظيف والتنسيق على قدم وساق، أفرك سجاد وأمسح زجاج ولمع حيطان أجلي الجلي وأكوي الكوي، قرفونا بريحة المنظفات فكرهم لو ما خففوا بالمي ما بنظف، وكلو عشان معالي الوزير جاي، الله يكثر زياراتك يا وزير، نظفتلنا الشركة

البارحة كنت عند زبون طول اليوم ما دخلت الشركة للساعة خمسة وربع، لقيت الشركة قايمة قاعدة وزي النحل الكل رايح جاي، لقيتهم جايبين 20 لوحة تحفيزية، بتعرفوها هاي قصص العمل الجماعي والصدق في العمل ورضاكي يا أمي وعشقك السفر من غدر البشر، اللهم بالأنجليزي، وعلقوها بكل محل بالشركة، الله يكثر زياراتك يا وزير، حفزتلنا الشركة

أكثر شيء مميز الصراحة كانت صور الملك يلي جابوها وعلقوها بكل الشركة، في صور الكبيرة ورا راسي حاليا ما شاء الله عشان يعرف معالي الوزير أنو أحنا جماعة عندنا نماء وأنتماء وشفافية وحب للوطن والملك ونعبر عن حبنا بجميع الوسائل وبدون أي نفاق أجتماعي أو سياسي البتة، موضوع تعليق الصور الصراحة صدفة لا أكثر أجت مع جيتك معالي الوزير، الله يكثر زياراتك يا وزير، علمتلنا الشركة الأنتماء

لفت علينا السكيرتيرة تنبهنا ما حد يعلي صوتو والكل يحكي بصوت واطي والكل يرتب مكتبو ويتأكد أنو نظيف عشان معالي الوزير بدو يمر علينا يسلم على الشباب، أنا قلت لحالي إذا فاضي بنفت لعبة تركس بلبسوا شيخ الكبة وبصير الشب يلي لبس الوزير شيخ الكبة، بس المدير رفض الفكرة، بس بدكم الحق أنا عمري ما شفت المكاتب مرتبة هيك قبل، الله يكثر زياراتك يا وزير، هذبتلنا الشركة

من ضمن الأمور الجميلة ركبوا شاشة العرض يلي بحكوا عنها من ستة أشهر، صلحوا الأضوية التافة كلها وعدلوا بعض الأمور الأخرى و تطويرات جميلة، في كثير أمور عالقة من أشهر خلصنها بمصادفة زيارة الوزير وأنا مُصر أنها بس مصادفة لا أكثر، الله يكثر زياراتك يا وزير، طورتلنا الشركة

والله يا معالي الوزير مش عارف شو أحكيلك، زيارتك الغالية خلتني أفكر كم نحن منافقين وشغل حكي فاضي ومظاهر، ما حد طلب منا أنجهز مشروع أو نقترح أفكار مميزة لمعالي الوزير، بس نظافة مؤقتة، وترتيب لحظي ونفاق أجتماعي، الله يكثر زياراتك يا وزير، كشفتلنا الشركة

أخيرا لا يسعني إلا أن أشكر الوزير على الزيارة الميمونة وأتمنى أن يشرفا هو وباقي الوزراء بشكل مستمر

بهاي المناسبة بحكي

حنا للظيف حنا
حنا للسيف حنا
حنا فراشات زغار

أنس صديقي الأعز يتزوج

تكملة لموضوع الأعراس المذكور سابقا وأكيد لاحقا، بدي اليوم أخبركم عن عرس صديقي أنس، وهو من أعز أصدقائي وأكثر من أخ، مبارك يا أنس الله يجمع بينكم بالخير ويرزقكم الذرية الصالحة ويجعل حياتكم طمأنينة وسعادة، مع أني زعلان منك عشان حكيت معك من شوي وما رديت علي !! يعني عشان متجوز مبارح واليوم صباحيكت ما بترد !؟

المهم مبارح أخذت مغادرة الساعة 4 من العمل وركاظ على البيت، بالطريق مريت صليت العصر، حلقت راسي وخففت لحيتي، وصلت البيت تحممت حمام العيد وأكلت نص الكيكة يلي بالثلاجة بمناسبة عيد ميلاد أختي الصغيرة، على هامش الحدث جبتلها نفس الهدية يلي جابتلي ياها يوم عيد ميلادي ... ولا أشي

أتصل العريس حوالي الساعة السادسة إلا ربع بطلب مني تغيير الخطط وأكون مصور الفاردة، للي ما بعرف الفاردة إليكم تعريف الفاردة : الفاردة قديما كانت عبارة عن مجموعة من كبراء العيلة مُحملين بالهدايا والعفش الجديد، يذهبون إلى بيت العروس ليستلم العريس عروسه من والدها، ثم يرجعون بها إلى بيته في سعادة وسرور وفي جو إحتفالي، طبعا هناك بعض التفاصيل والأختلاف في العادات بين الفلح والحضر والبدو لكن المبدأ واحد

الفاردة في مثل هذه الأيام هي مجموعة من السيارات يسوقها مجموعة من الرجال الكبار الخائفيين على حياتهم ومجموعة من الشباب المجانين كما تم أسلفت هنا

المهم وبعد النقاش الطويل بقيت أنا قائد الفاردة ووافق أبن عمة العريس يصور طلعت لعند العريس، موضوع قيادة الفاردة موضوع ذات شجون ومخاطر وتحكم، سنأتي اليه لاحقا

العريس الساعة 6:40 كان لابس شبشب وقميص مطلعو برا البنطلون، والبنطلون مشمرو تقول كاين يسلك بمصّرف مسكر، هددتو بالضرب المُبّرح إذا ما تحرك بسرعة لأنو الساعة سبعة المفروض نعملوا زفة من بيت أختو القريب لبيتو، وصلنا على بيت أختو وبعدين خبينا سيارة العريس في كراج بيتي نحميها من الأطفال حرامية الورد الأوباش، رجنا على بيت أختو ودخلنا على غرفة النوم نلبس العريس البدلة، أنا كنت بصور طبعا ونسيب العريس صديقنا محمد بلبسوا القرافة والجاكيت وبرش بعينو عطر، في تلك الأثناء قام بعض الخارجين عن القانون بأطلاق العيارات النارية رغم تحذيرات والد العريس أنو طبربور ملانة ناس يا بقر و كشك الشرطة بعيد 200 متر ما حد يطخ، بس لا حياة لمن تنادي البقر بقر ولو سكنوا في شقق سوبر ديلوكس

أثناء النزول على الدرج والزفة كنت أنا بصور وراجع عكسي، الله لا يعطيك ياها العافية يا معتز !! كان المفروض ينزلني الدرج بس الخاين نزل مع صحابه ورحت ما أقلب على ظهري 20 مرة غير فغص الأطفال أثناء الرجوع، كان في واحد جايب فرقة نقوط، بدي أحلف يمين أنهم محششين الجماعة كانو لابسين لبس فلسطيني وفجأة شلحو طلعو لابسين بلاطين الشطف وقمصان بلا كم وهز وصراخ وهبل ما ألو داعي، ولا واحد فيهم حافظ أغاني زفة، واحد بخترع حكي جديد والباقي بهلوس من ورا

عملنا زفة لبيت العريس، وقبل أنتهاء الزفة وبدون سابق أنذار فتحت جبهة، مسدس صوت، ومسدسين واحد 9 مم والثاني 16 مم، شوت جن وكلاشن كلهم طلعوا وبدا الطخ بشكل مزري ومخيف، في ناس أخذت الأرض من الخوف والنساء هربوا من الموقع، في واحد مطلوب للعدالة حاليا معو مسدس 16 مم فضي طخ جنب راسي ضربت الفشكة تحت عيني بالزبط كمان 2 سم كان أنا حاليا أعور، بس أمسكو بعدين بدي أترفشو العاهة وبدي احشي المسدس في ذانو وأطخ

الفاردة بدت ورغم أني طلبت من الكل ما حد يسكر الشارع ونمشي بسرعة ما حد رد، الشارع تسكر وعلى أقل من مهلهم، وصلنا بيت العروس وهناك رتبت طريق إلى القاعة وبلغت الجميع بموضوع عدم تسكير الشارع والسياقة على اليمين فقط على الرئيسي، وطبعا أكيد كمان مرة ما حد رد، بس قمت بأجراءات أثناء الطريق أجبرت الكل يروح يمين، الموضوع كان بدو تركيز بس الفاردة كانت جميلة، في ناس طلبو مني أجي على فاردة أولادهم أنظمها، بفكر أترك شغلي وأشتغل بهيك موضوع، الفاردة بخمسين دينار

العرس كان عادي بس كنت فرحان بصاحبي، و شفت صحاب من أيام صف خامس، حسيت حالي كبير لما شفت شباب أكل الزمان عليهم وشرب كل واحد قد الحيط وأنا أخر مرة شفتهم كانو أطفال، سبحان الله ما حد عندو شعر، اللمعة في الصالة بتفكرها من الزينة

أجا العريس يسلم، عرضت عليه أخر فرصة ينسى الموضوع ويجي معي نروح نتعشى، لسبب غير منطقي رفض الأهبل، ما أنو مش دايما أنا بعزم على العشا، يلا راحت عليه الأهبل

أنس كان بيتو موقع سهرتنا وصديقي اليومي، دائما كنا سوا سهرانين، المرحلة هاي من حياتنا أنتهت الأن وبطل في مجال للهبل والسهر الطويل اليومي والضرب والمقالب، أعتقد صار لازم نكبر ونعقل، بس الحمد لله رب العالمين أنو تمكنا من تجربة الحياة العزابية مع بعض، ورح أشتقالك يا أنس يا أكثر من أخوي، ولا تنسانا يا كبير، أنا عارف إنك أرنب بس حاول توخذ اذن قدر الأمكان نشوفك خارج قفص الزوجية، بكرة ولادنا رح يلعبوا سوا ويسهروا سوا وننزل بنص الليل نصرخ فيهم : ولك بس صراخ أنتا ويا بدي أنام يا نور !!

Kings visit to Bani Hasan.

I was going through some sites here and there, when I found this video of the king's visit to the home and tribes of "Bani Hasan" a big and famous tribe in Jordan, before I comment, please take a look at the video, then my comments:



I do not understand how this visit was beneficial !! I mean all the visits are the same, nothing new; words, poetry, chanting ... nonsense !!

I am sure there are many brilliant young men and women in the big tribe of "Bani Hasan", I am also sure many have great ideas to improve the life quality of the tribe and the whole area they gather in ... plans, drawings, artistic work, even demands!!

The king is the king to serve the country and his people, he is bind to the oath of serving and protecting this country, I am pretty sure he would be more happy and proud of the tribes leaders had they presented something of quality rather than spending money on useless big tents.

Just my opinion, appreciate your comments.